大中華飯店 查看

營業中

休息中

家人生日想食粵菜，呢間算出名，就book定位。間野幾得意，自己手寫落單。每枱都叫鐵板黑椒豬手，我地都唔執輸叫左碟。豬手肉質嫩滑，好淋。百幾蚊都幾抵，可以一班人分黎食。黃金魷魚好香咸蛋味，咸咸地包住鮮魷，香口惹味，亦炸得香脆。貴洲豬仔腳 - 以為會好辣，食落唔係好辣，好香同開胃，出乎地好食！叫左個清清地嘅上湯菜芯苗，清下啲油膩感，不過冇咩特別，屋企都食到。本身都ok煲仔飯，但呢個係用臘味整，不了。同埋家人話得個煲大，味道唔得。鬼馬雙星係用油炸鬼包住墨魚炸，幾脆，不過食多幾舊就覺得好熱氣。土匪雞原隻上枱，雞肉嫩滑，好食！可以點埋類似沙薑嘅醬，令味道更出！蠔餅好脆，不過有啲燶。