更多
2015-01-03
1915 瀏覽
好!話返黎就返黎,上次食過碗【喇沙】,感覺驚為天人~ 記得餐牌上仲有好多好吸引嘅食物,就同自己講一定要再返黎(亦同大家講過)今日1月1號又放假,日頭自己一個人入咗長洲行咗成日,都唔知食過啲乜,好唔滿意,坐船出返黎之後再過海,黎到尖沙咀就忍唔住再過黎【好時沙爹】了。黎到已經6點半了,對行咗成日嘅我黎講哩個時間已經唔早,想食完快啲返屋企,坐低,食乜,上次話乜幾耐之前先喺西貢【金雞去骨海南雞】(下稱西貢雞)食過【海南雞飯】所以唔食,今次冇藉口啦 就要一份啦!真係話咁快就到,雞飯上檯,快快開動,我係飯桶,中意食飯,食啖油飯先~ 好味! 香香嘅油飯,鹹味啱啱好,雞油味唔錯,飯嘅硬度亦啱啱好,我幾滿意的,對比西貢雞嘅特色飯黎講,我都係中意哩碗雞油飯囉 試下件雞先。。。冇乜雞味。。。雞亦唔係好滑。。。西貢雞好似好食啲,雖然佢地嘅雞味都唔濃,但感覺上比哩間重亦滑啲。。。兩間都有跟湯,西貢雞跟一碗南瓜湯(好似係),好時雞就跟碗雞湯,碗湯入面加咗少少椰菜嘅物體,西貢雞碗湯味道其實唔錯的,南瓜味啱啱好,碗湯入面舊紅蘿蔔都好入味,感覺良好。。。好時雞嘛,係有雞油香的,同碟飯好配合,左食啖飯右飲啖湯,感覺上好
今日1月1號又放假,日頭自己一個人入咗長洲行咗成日,都唔知食過啲乜,好唔滿意,坐船出返黎之後再過海,黎到尖沙咀就忍唔住再過黎【好時沙爹】了。黎到已經6點半了,對行咗成日嘅我黎講哩個時間已經唔早,想食完快啲返屋企,坐低,食乜,上次話乜幾耐之前先喺西貢【金雞去骨海南雞】(下稱西貢雞)食過【海南雞飯】所以唔食,今次冇藉口啦 就要一份啦!
真係話咁快就到,雞飯上檯,快快開動,我係飯桶,中意食飯,食啖油飯先~ 好味! 香香嘅油飯,鹹味啱啱好,雞油味唔錯,飯嘅硬度亦啱啱好,我幾滿意的,對比西貢雞嘅特色飯黎講,我都係中意哩碗雞油飯囉
試下件雞先。。。冇乜雞味。。。雞亦唔係好滑。。。西貢雞好似好食啲,雖然佢地嘅雞味都唔濃,但感覺上比哩間重亦滑啲。。。
兩間都有跟湯,西貢雞跟一碗南瓜湯(好似係),好時雞就跟碗雞湯,碗湯入面加咗少少椰菜嘅物體,西貢雞碗湯味道其實唔錯的,南瓜味啱啱好,碗湯入面舊紅蘿蔔都好入味,感覺良好。。。好時雞嘛,係有雞油香的,同碟飯好配合,左食啖飯右飲啖湯,感覺上好舒服,湯方面真係冇乜好比,只可以話好時雞保持傳統很好,西貢雞就一心想係西貢食街突圍囉
老老實實,我幾中意碟雞飯,淨係碗飯囉,碗飯係可以單叫11蚊一碗,哩回【西貢雞】大戰【好時雞】。。。西貢雞真係技術擊倒對方啊
張貼