合益泰小食

營業中

休息中

由於七點半要上堂，打算求其買啲嘢食就上堂，點知一落車就比我見到合益泰，頓時諗起之前同朋友食嘅香滑腸粉，所以二話不說就走左入去。自己一個人食就唔難搵位，我叫咗碟中腸粉同埋一杯豆漿，腸粉嘅水準依舊，都仲係好滑，好好食，加埋花生醬、甜醬同芝麻簡直絕配。無論堂食定係外賣都係咁多人，我見到啲職員剪腸粉同剪都到手軟。豆漿好香濃，好重豆味，亦都冇渣，唔錯！不過環境就依然都係.........😥😥座位又迫，地下又污糟，成地都係食客留低嘅垃圾，所以我衝衝食完就離去，前後都唔知有冇10分鐘。