春天除咗可以係粉嫩嘅櫻花粉紅色之外，其實亦可以係高貴優雅嘅紫色。沙田區呢間酒店餐廳即將喺3月推出紫薯x巨峰提子主題嘅甜品下午茶自助餐，有各式各樣嘅紫薯同巨峰提子甜品之外，每枱仲有獨立迷你紫薯火鍋，同姐妹相聚更寫意！
 

香港嘅春天乍暖還寒，要滿足甜品胃不如先嚟一份紫薯火鍋吖。用紫薯加忌廉煮成紫薯漿，無論點日本迷你紫薯、士多啤梨、窩夫定泡芙都咁夾。
 

紫薯唔單止可以用嚟做火鍋嘅，紫薯蒙布朗就將經典法式甜品蒙布朗嚟個新變化，換上香甜紫薯泥，香味濃郁。紫薯凍芝士餅就用柔滑嘅忌廉芝士配搭紫薯，甜而不膩。
 

巨峰提子同樣有天然迷人嘅紫色，巨峰提子芭菲層次分明嘅賣相最啱相機食先，入面有巨峰提子啫哩、粟米片、士多啤梨醬同牛乳慕絲，頂層再以原粒多汁嘅巨峰提子點綴，味道豐富。巨峰提子梳乎厘將巨峰提子混入吉士當中，輕盈口感之中帶甜美提子果香。
 

自問甜品胃特別大嘅朋友仔，記得試埋巨峰提子黑森林蛋糕、紫薯鮮奶撻、香芒紫薯千層酥同紫薯香芋糯米糍等主題甜品呀。
 

1+1吧 紫薯X巨峰提子甜品自助餐
供應日期：2017年3月1日至4月30日
供應時間：2:30pm – 5:00pm

 
文：Cathy
 


開飯編輯推介：

1. 【專訪】日本人在香港 開餐廳最重要健康行先

2. 1月份好評餐廳十強

3. 2017年港澳版米芝蓮指南

熱門文章推介：

1. 【一個人開飯】一個人喺大埔食乜好？

2. 【熟食中心尋寶】堅尼地城士美非路熟食中心

3. 【開飯教煮】網上人氣甜品店師傅示範朱古力慕斯

隨時接收最新資訊
讚好OpenRice專頁！