呢幾日過年大家都應該食得好開心～農年新年過後，相信唔少家庭都會淨低好多嘅賀年食品或者收到賀年禮盒。食唔晒唔想浪費嘅，香港有唔少機構都有喺過年前後推出回收計劃，由新年食品到用品都有，回收點遍佈全港，一齊行動咪做大嘥鬼！

CNY賀年食品回收大募集 FOOD-CO

食物援助平台FOOD-CO喺港九新界都有回收點，收集市民過剩嘅賀年食品，除咗指定收集地點外，仲於部分領展商場設有收集箱，好方便。接受捐贈食物種類包括米糧、麵類、罐頭食品、麥片、餅乾同耐存食品，記得食用日期不少於8星期，同埋請勿捐贈玻璃及易碎器皿。

收集日期：即日 至 2023年2月3日

 圖片來源：Food-Co

膳心貫全城 食德好

多年嚟一直為環保出一分力嘅機構，今年繼續於全港設立超過20個回收點，回收後送到基層手中。收集種類包括包裝及乾貨類賀年食物及禮盒包，包裝必需完整同未開封，最佳食用日期必須為2023年3月31日之後。另外糧油類生活食品現金禮券都接受。

收集日期：即日至2023年2月28日

 圖片來源：Food Grace Facebook

盆菜兜回收 香港綠色希望

過年好多家庭都會食盆菜，咁大個盆菜兜淨低點算呢？綠色希望今年幫手收集盆菜兜，收集到嘅盆菜兜會交畀狗場或者其他團體。不過回收日子只有兩日，同只於指定地點設立街站，希望大家都盡一分綿力，mark低日子啦。

收集日期：2023年1月28日、2023年2月18日

 圖片來源：Green Hope Hong Kong Facebook

賀年禮盒包裝回收 綠在區區

環保署旗下嘅環保機構，致力於各區推廣環保，新可以將賀年禮盒包裝、利是封及盆菜兜等於「綠在區區」回收站進行回收，元朗、沙田、大埔、西貢、葵青、深水埗、觀塘、灣仔同上環區都設有回收站，好方便～

收集日期：即日至 2023年2月28日

 圖：Gigichibaby Laurel Facebook