雖然未到12月，但聖誕Party一定要預早準備嘅。無論係最Old School嘅聖誕聯歡會，Office嘅迷你派對，定係約埋成班Friend搞Home Party，當然唔少得美食啦！除咗嗌到會之外，其實自己花多啲時間心機，一樣可以整到有水準嘅Party Food！
造型可愛又香脆鬆化嘅蝴蝶酥，唔單止可以當Party小食，放落盒當聖誕禮物送畀人都絕對唔會失禮！
完整食譜：【甜品挑戰站】• 蝴蝶酥 •
最基本嘅牛油曲奇其實一樣可以好特別！秘訣就係用唔同形狀嘅曲奇模，再加上朱古力或者糖霜裝飾，就變成獨一無二嘅聖誕美食。
完整食譜：【甜品挑戰站】• 牛油曲奇 •
唔鐘意食甜嘢？唔緊要，咁不如嚟碟Nachos and dips啦！Nacho唔單止方便買到，沾醬仲可以自己發揮創意配搭唔同食材。
完整食譜：【煮事‧自作煮意】墨西哥粟米脆片 配3款滋味沾醬：芝士肉醬、牛油果、焗茄子
照顧埋身邊嘅食肉獸，又唔想下下都食烤火雞咁悶，咁就整個一樣啖啖肉嘅豬手啦！時間充分嘅話仲可以整埋自家醃酸椰菜，解膩一流。
Party當然唔少得蛋糕！呢個食譜唔單止有朱古力同香蕉呢個完美拍檔，而且仲係奶蛋素，兼唔洗用到焗爐！
完整食譜：【喜雅的素學練習】免焗! 朱古力香蕉層層蛋糕 。聖誕節為親愛的送上一點甜
一款蛋糕唔夠嘅話，再嚟一個香甜蘋果批，只要跟住呢個食譜整，一樣唔需要用到雞蛋同牛奶，對呢兩樣食物敏感嘅朋友仔都食得到。
完整食譜：【喜雅的素學練習】零失敗 ! 暖心蘋果批 Apple Pie
佳餚已備，最好當然係有埋美酒相伴啦！呢款調酒用蜜桃同蘋果去搭配啤酒同白酒，甜甜地又有氣泡口感，女仔飲都會覺得容易入口。
完整食譜：【Pinkoi好設計好生活】Cheers！2 道讓人流口水的啤酒料理
唔怕凍想飲冰茶嘅話，其實近年大熱嘅藍紫色蝶豆花茶都可以自己DIY！記得準備好檸檬汁，咁就可以欣賞到漸變顏色啦。
完整食譜：【Pinkoi好設計好生活】夏日降溫食譜：DIY 泰式凍奶茶 & 蝶豆花冰茶
開飯編輯推介：
3. 10月份好評餐廳十強
熱門文章推介：
1. 一齊滾起佢！季選任食火鍋
3. 油麻地特色美食地圖
隨時接收最新資訊
讚好OpenRice專頁！