疫情間有無好掛住台灣夜市美食呢？講到繼光香香雞香港人都唔陌生，不過最近餐廳於上水開咗全球首間炸雞滷味複合概念店。除咗可以食到各款經典炸物，仲推出目前只有香港上水店獨家售賣嘅台式熱滷味！
香港相對少見嘅「台式熱滷味」，滷汁以雞骨、多種花椒、八角及桂枝等中藥熬煮，並加入香蔥蒜醬，食材入味回甘之餘仲好惹味。
滷味一共有三十幾款，當然唔少得夠晒台味嘅甜不辣、百頁豆腐、米血、長竹輪及滷大腸等配料，另外仲有三椒魚餅、玉米丸子、 豬、牛、雞翅等～而麵底就可以選擇台式王子麵、出前一丁、烏龍麵及米線等，唔知點揀可以選擇已經定好嘅台式熱滷及麻辣鴨血餐。
除咗滷味，最近仲出咗呢款新品川麻雞髀扒，選用 KING SIZE 無骨雞腿肉， 按摩後，加入花椒、四川大紅袍、獨家秘製麻辣醬等多達 12 種的辛香料醃製入味，雞排完全吸附辛香醬汁後，裹乾粉入鍋油炸，起鍋後再灑上獨家辣粉，一入口就散發著濃濃椒香，麻而不辣，而且香脆又多汁！
地址: 上水智昌路3號上水中心2樓2002-2003號舖
文、相、片: Yanica