九龍嘅朋友仔唔使再葡萄喇，輪到你哋喇！繼沙田、銅鑼灣接連開店之後，喜茶第4間分店終於進駐九龍，喺尖沙咀嘅商場內要開業啦，仲要係暫時全港最大間嘅分店添。呢間分店同樣都有獨特嘅設計，打卡一流，同時仲有新產品推出，兼有3款固定組合嘅迷你版喜茶，一次試到兩款茶！

新店帶嚟全新甄選嘅茗茶：金玉。係喜茶定制烏龍，清新茶香中又帶有桂花香同淡淡嘅奶香，口感比金鳳茶王更順滑。

無論飲過幾次喜茶都好，每次望住個menu都總係心大心細，又想飲下滿滿果肉嘅水果茶，但又想清清地咁要杯純茶，新出嘅MINI喜茶就啱晒啦，細細杯，同朋友開心些牙一人一杯又得，就算自己一個自私飲晒兩款都唔過份呀！官方仲特設咗3款官配固定組合，都係今次新茶金玉再搭多款，分別有：

 MINI金玉+MINI黑糖波波 （$49）

 MINI金玉+ MINI紅柚（$49）

 MINI金玉+MINI橙橙（$49）

至於各位打卡達人最關心嘅打卡位……呢間舖以中國傳統書法藝術作為靈感，以白色空間為紙，黑色竹子構成藝術裝置，好似一幅水墨畫咁，幾有詩意。舖頭內可以坐嘅位置，較其他分店多，中間嗰張鏡面枱，仲可以輕易影出呃LIKE倒影打卡相添~

另外忠粉應該就會知道，佢哋每次開張都總有著數，今次都唔例外！開業當日（3月23日）有買一送一飲品優惠，而頭三日like咗佢哋嘅社交網站出返個post，頭100名就有機會得到一份神秘禮物。

喜茶
地址：尖沙咀河內道18號K11購物藝術館B1樓B104號舖
開業日期：3月23日10:00am

文、相、片：Kar