又一間日本過江龍！今次係發跡自日本八重洲嘅天婦羅丼飯專門店，呢間舖喺日本已經有超過200間分店，香港繼泰國、台灣後終於都有第一間分店登陸喇。

以青森縣嘅米、日本老字號醬油、九州華味雞、日本天婦羅炸粉等，製作出一碗又一碗平價丼飯。最經典最傳統嘅當然係天丼，$49碗，有黑虎蝦、魷魚、魚喜魚、南瓜同四季豆。飯粒軟綿，天婦羅脆口，醬油更加係由特選鰹魚片熬煮秘製，所以有啲鮮味加持。

不過熱愛炸物嘅朋友，淨得蝦梗係唔夠喉啦，介紹多兩款天丼過你，食肉獸可揀華味鳥天丼、海鮮控就揀海老穴子天丼啦。兩碗嘅天婦羅都係蓋到冚，滿滿der一大碗好吸引。華味鳥係嚟自九州養殖場嘅雞，以自然、健康而聞名，呢碗仲有多隻半熟日本蛋添。

海老丼子天丼嘅賣點當然就係鰻魚天婦羅啦，另外仲有本菇、蟹柳等菜蔬。不過炸粉層略嫌厚咗少少。

除咗飯之外亦有麵食，想要熱食嘅有天婦羅素麵。麵質彈牙，麵上仲有柚子皮，帶出微酸感覺。

冷食嘅話就有天婦羅烏冬或者蕎麥麵揀。

最後嚟多客飯後甜品：豆腐雪糕就perfect池喇。豆腐味起濃，另有紅豆淋咗糖漿嘅甜薯仔喺側跟。

Last but not least，識唔識日文都好，記得Tenya（天丼）同日文「18」同音就有你著數喇，因為每個月嘅18號就係「添丼日」，會有各種唔同嘅優惠，今個月嘅添丼日，只要消費滿$49，就即送一隻天婦羅蝦同添丼卡，以後可以繼續儲唔同優惠呀。

天丼
地址： 青衣青敬路33號青衣城G樓G02舖
正式開業日期：12月12日下午1時正

文：Kar
相、片：Tom Li