唔少朋友去到韓國必食嘅早餐吐司店，聽日（24/12）終於正式登陸香港啦！沿用韓國正宗材料及配方，當然包括獨家調配嘅Magic Sauce啦。而且沙田店會有三款全新香港限定口味，唔好錯過呀。
 

Isaac Toast繼之前嘅銅鑼灣Pop-up，今次喺沙田開嘅係香港首間正式分店。品牌喺韓國有「國民早餐」嘅美譽，唔單止係遊客，亦係韓國人必試嘅早餐店。招牌吐司用獨家調配嘅Isaac Magic Sauce，醬汁味道酸酸甜甜夠開胃。煎麵包嘅時候仲會加上秘製無鹽牛油，令每份吐司都充滿香氣。
 

香港限定！

超級吐司2.0（$69）- 酸瓜、薯餅、Impossible漢堡、燒烤醬、椰菜絲、蕃茄等

熱溶芝士超級吐司（$64）- 水牛芝士、牛油果Impossible素肉雞蛋、煙肉、車打芝士等

SBS 人氣歌謠吐司（$34）- 韓國士多啤梨果醬、蟹柳蛋沙律、高麗菜蘿蔔沙律等

 
經典吐司

雙重芝士薯餅吐司（$44）-薯餅、忌廉芝士、車打芝士等

MVP 辣雞吐司（$44）- 粟米雞蛋、酸瓜、辣雞肉漢堡、燒烤醬、椰菜絲、車打芝士等

MVP 煙燻漢堡吐司（$49）- 粟米雞蛋、酸瓜、牛肉豬肉漢堡、燒烤醬、椰菜絲、車打芝士等

MVP 超級蝦吐司（$51）- 粟米雞蛋、酸瓜、蝦肉漢堡、蜜糖芥末醬、椰菜絲、車打芝士等

煙肉薯餅超級吐司（$49）- 水牛芝士、粟米雞蛋、煙肉、薯餅、車打芝士等

皇牌火腿吐司（$34）- 粟米雞蛋、酸瓜、火腿、椰菜絲、車打芝士等

檸檬梳打水、西柚梳打水、青提子梳打水（各$28/杯）

鮮奶咖啡（$34/熱，$36/凍）、美式咖啡（$28/熱，$30/凍）

而2020年1月1號至15號每天頭20位顧客，購買任何一份Issac Toast吐司，就可以免費獲得韓國香蕉豆奶一盒！
 

Isaac Toast
地址：沙田沙田正街18號新城市廣場第三期3樓A311號舖

文、相、片：Cathy