呢間今年新開嘅法式甜品店以燕窩為主題，唔好以為得噱頭，每款甜品真係寫明落咗幾多燕窩㗎！加上係低糖配方、本地製作，而且用料考究，包括法國牛油、日本茶道級抹茶、北海道3.6牛乳等，有得食有得打卡仲同時滋補美顏！
 

LHK Doux Cadeau呢個店名，當中「Doux Cadeau」係法文，即係「甜蜜溫柔嘅禮物」咁解。品牌主打加入燕窩嘅甜點，今年先後喺銅鑼灣同九龍塘開店，九龍塘新店仲有粉紅色霓虹燈同梳化位畀各位打卡呀。
 

日本茶道級抹茶燕窩卷（$48）

最受歡迎嘅係加入3g燕窩嘅法式燕窩梳乎厘卷系列，有六款唔同口味，即日起至30/11仲有買一送一優惠！呢款加入日本茶道級抹茶，無論忌廉定蛋糕都充滿抹茶香，忌廉更帶微微回甘。如果鍾意茶香嘅話另一推介係日本焙茶味，茶香同甜味都更為突出呀。
 

得獎黑芝麻燕窩卷（$48）

而黑芝麻就推介畀鍾意味道平衡嘅朋友，皆因蛋糕嘅黑芝麻香非常濃郁，加埋富牛奶香嘅香滑忌廉，夾埋一齊食甜度同味道都啱啱好！另外紅鞠米黑糖珍珠、北海道3.6牛乳味道略甜，法國特濃朱古力口味就用咗Valrhona朱古力，係有大人感嘅苦甜口味唷。
 

法式燕窩鮮莓撻（$68）

另一推介係鋪滿水果嘅鮮果撻，好似呢款就有新鮮士多啤梨同藍莓，咬落酸甜多汁。配搭用法國牛油製作嘅酥脆撻皮，口感層次豐富，而且當中仲有5g燕窩！
 

法式燕窩啤梨撻（$68）

呢款法式燕窩啤梨撻更選用日本山形縣啤梨，口感柔軟多汁、芳香清甜！亦有芒果、檸檬等唔同口味選擇。
 

（左至右）北海道3.6牛乳燕窩布甸、鮮芒果燕窩布甸、法國特濃朱古力燕窩布甸、日本茶道級燕窩布甸（各$48）

柔滑Creamy嘅布甸亦係唔少人嘅最愛，呢度嘅燕窩布甸亦有四款口味選擇，因為都係低糖配方，所以一個人食晒成樽都唔會覺得膩，再加上有爽口嘅3g燕窩做Toppings，做飯後甜品一流。
 

 

燕窩蘋果玫瑰果醬（$130/100g，$290/280g），燕窩香橙芒果熱情果百里香果醬（$180/100g，$390/280g）

除咗自家出品外，品牌亦同其他單位合作。例如同Jam Story果醬二三事聯乘推出五款燕窩果醬，標榜係成分純天然、不含防腐劑或添加劑，仲係香港新鮮造。其中香橙芒果熱情果百里香口味更奪得The World’s Original Marmalade Award 2019年金獎！果醬無論用嚟配多士、乳酪、沖水果茶，甚至配肉類都得㗎。
 

濃縮龍牙白燕（冰糖）（$185/70g），濃縮龍牙白燕（原味）（$185/70g）

（左至右）洋甘菊珪素源液、珪素源液、玫瑰珪素源液（各$35/330mL）

珍珠粉蝴蝶酥（$88/10塊）

珍珠粉牛油曲奇（$88/10塊）

LHK Doux Cadeau
地址：九龍塘達之路80號又一城2樓18號舖

文、相：Cathy