冬天最開心就係一班朋友圍埋燒肉啦！旺角呢間燒肉放題店原本就係一間火鍋店嚟，最近就轉型，主要做燒肉海鮮放題，不過店鋪都仲有位置可以食火鍋嘅，但就只可以二選一啦！
佢地嘅燒肉海鮮放題都算抵食，揀$288除咗基本燒肉、海鮮同其他配料任食外，仲會送高質海鮮拼盤、刺身盛、特上牛肉盛同埋燒蠔，而且經OpenRice訂座仲有85折優惠，咁就抵上加抵啦～
海鮮拼盤有鮑魚、扇貝、大蝦、八爪魚同燒蟹蓋，全部都大大隻好新鮮，大蝦肉質爽口，蟹蓋蟹膏味香濃，放埋上磯燒爐到燒就別有一番風味！
特上牛肉盛有五個唔同部位嘅高質牛肉，牛肉味重，想再食好啲可以加80蚊任食安格斯牛，呢款除咗牛味重外，相較肉汁豐富啲同埋夠軟腍，燒到微微紅食就最啱～
刺身拼盤就有三文魚、赤貝、油甘魚同蝦等，件件都好厚身，而且魚類都有魚油香～另外仲有埋燒蠔送。
飲品同甜品選擇都好多，除咗有普通雪糕食，仲會每人送一杯Häagen-Dazs或Mövenpick雪糕添！
地址: 旺角彌敦道593-601號創興廣場4樓
文、相、片：Yanica