【餐飲券優惠】母親節餐廳推介晚市自助餐85折、人氣Omakase 9折

母親節為表對媽媽嘅孝心，梗係要帶佢哋去食好嘢啦～到而家仲未有定案，未諗到食咩好？以下呢幾間餐廳都幾適合帶媽媽去，有晚市自助餐、經典中菜、Omakase、德國餐廳、台式火鍋等，實有一間啱心水！仲要全部而家經OpenRice買餐飲券都有優惠，手快有手慢冇呀！

成人晚市自助餐露天池畔餐廳

位於酒店內嘅露天餐廳，客人可以喺一片青蔥樹影同和暖嘅天氣下，於餐廳享用一系列自選炭燒肉類、海鮮、沙律吧及一系列甜品等等。炭燒肉類推介雞翼同埋豬肋骨，即燒熱辣辣仲好惹味。海鮮有燒大蝦及凍龍蝦等選擇，款款都鮮甜味美。

經典中菜廳南海一號

揀同媽媽去食經典嘅中菜廳就實啱食！呢間中菜曾經兩年連續入選米芝蓮星級推薦，仲可以眺望到維港海景。必食有龍蝦湯泡貴妃飯、片皮鴨同冰鎮鮑魚等。經OpenRice買餐飲券仲可以用6折價錢買到佛跳牆同高湯燉官燕等美食，前者鮑參翅肚佛跳牆超真材實料，後者滋補又養顏～

高質素廚師發辦花晨月夕

帶媽媽去食經常令人有驚喜嘅Omakase都唔錯呀～餐廳有多款新鮮刺身、壽司同獨家創作料理供應，推介高性價比晚巿套餐Omakase月，包晒先付、刺身五款、御料理、寿司十貫、湯及甜品，食完一定好滿足。

想有啲新意食下西餐，可以考慮呢間無論裝修定菜式都好傳統嘅德國餐廳。有露天庭院同現場音樂演奏，好有外國氣氛。菜式方面供應德國脆皮燒豬肘、德國腸拼盤及農夫包等等，德國脆皮燒豬肘香脆帶鹹香，德國腸拼盤可以一次過試晒唔同嘅德國香腸，配埋酒一流呀。

惹味台式火鍋湊湊火鍋‧茶憩

人氣台式火鍋店，食物味道好正宗。湯底選擇豐富，推介紅顏花膠雞鍋、酸菜白肉鍋同台式麻辣鍋，紅顏花膠雞鍋濃郁又鮮甜，台式麻辣鍋辣而不嗆。除咗打邊爐，仲有多款特色手搖飲品選擇，如大紅袍珍珠奶茶及普洱珍珠奶茶等，好吸引。

甜蜜蜜日韓蛋糕歷山餐廳

買個靚靚蛋糕慶祝都好重要㗎～呢間餐廳就推出咗兩款母親節限定嘅蛋糕，包括韓國士多啤梨忌廉蛋糕，以當造韓國士多啤梨加上幼滑忌廉配以韓式唧花技術，媽媽見到一定勁開心。仲有日本柚子慕絲蛋糕，嚴選日本優質柚子及柚子慕絲，食落超清新！