上環最近出現咗一間以港式懷舊小賣部為主題嘅小食店，珍姐餐室。不過喺呢間小賣部你就搵唔到珍姐嘅，老闆Peter話珍姐係佢中學小賣部姐姐個名，店舖主打各款懷舊食物，所以靈機一動就用咗珍姐個名啦。

招牌豬油撈飯

豬油撈飯對於唔少上咗年紀嘅人嚟講，可以話係童年回憶，而家坊間都唔係咁易搵到佢嘅蹤影。呢度嘅豬油撈飯用自己炸嘅豬油再混合外國豬油，顏色靚啲，香味平衡啲。對於一啲無食開豬油嘅人嚟講都比較易接受。

豬油撈飯配上醬油、生炸大雞扒及兩隻太陽蛋，老闆說豬油是這個飯的主角，但綠葉太陽蛋一樣重要，沒有一顆「靚」的太陽蛋，整個飯可謂失色不少。

豬油撈麵配慢煮牛面肉

豬油撈麵可能熟客先有機會食到啦，因為老闆話煮呢個實在太費時。同樣加入豬油同自製醬汁，慢煮牛面肉筋位軟腍、肉有咬口，烹調時間控製得啱啱好。

沙嗲撈面

醬由沙嗲汁、花生、魚露及蝦米等材料製成，花生味重，味道偏甜少少。車仔餸咖喱魷魚、魚餅及齋都係私心推薦。

早餐時段都有供應港式早餐，無論茄牛通定腸粉都有得食。傳統米磨腸粉用米磨成，米味香而且滑溜，鮮茄免治牛肉湯通粉茄味都濃厚～

珍姐餐室  

地址: 上環東來里2號地舖

文、相、片: Yanica