其實食三文治都可以好多花款㗎！近排香港忽然興起呢款有少少韓風嘅爆餡吐司，大圍最近都新開咗一間，店內吐司都以雞蛋為主題，全部都即叫即製，所以食客需要花啲時間等吓啊～另外小店設有小量座位可供堂食。
吐司每一面都塗上滿滿牛油，然後六面逐面煎至金黃色，保證每一面都好香脆，少啲功夫都唔得。煎香吐司後再放上滿滿餡料，無論視覺定味覺都好滿足，溫馨提示，雖然咁靚會忍唔住「相機食先」，但一定要襯熱食！
DOUBLE芝士豬柳滑蛋盒子吐司 $38
煎香豬柳後，再喺兩塊豬柳中間放入滿滿嘅滑蛋，蛋味香濃，上層再加上芝士，夠晒惹味，食肉獸實會滿足！
更多【新店直擊】： |
招牌三重芝士滑蛋盒子吐司 $35
另一招牌就係呢個三重芝士滑蛋，放入芝士炒滑蛋及大量芝士碎，扯開嘅時候仲識拉絲，芝士控一定不可錯過！
牛油果蛋沙律盒子吐司 $42
牛油果係近年嘅人氣食品～加入自家製蛋沙律，再放上牛油果片，入口清新不易膩。
火辣烤雞芝士滑蛋盒子吐司(期間限定) $48
至於鍾意食辣嘅朋友，就可以試試呢款火辣烤雞芝士滑蛋，香辣惹味。不過呢款就期間限定，負責人話會不定時更換口味，等大家試多啲嘛！
<
地址: 大圍積運街2-8號海福商場地下2號舖
文、相、片: Yanica