澳門有唔少美美der咖啡小店，隨便擺拍都可以影出IG-able嘅靚相。今次介紹其中3間滿滿文青風嘅café先。

日系外賣小店  Moriyama Coffee Brewers

 圖：餐廳IG

社工局藍屋仔對面呢間小店走日系風格，門口有日式庭院常見嘅碎石，加上木吧枱幾有和風美感。呢度主打手沖咖啡，用西班牙Sibarist FAST濾紙加快流速，同時提取咖啡豆各種風味。另一款特別推介係烏龍咖啡，加入日本Asahi玻璃樽裝烏龍茶，味道甘香。朝早10:00前有早餐套餐，熱飲加Bagel三文治都係$38咋！

純白咖啡小屋   Muse by pace

 圖：餐廳IG

氹仔呢間純白Cafe唔單止環境好啱打卡，同時亦會舉辦唔同藝文活動，例如迷你Live音樂會、主題讀書會、劇團劇本圍讀，甚至同本地字體設計師合作推出咖啡濾泡包，夾啱時間去Join下都係一個唔錯嘅體驗！客人更可以帶埋毛孩去一齊Chill。當然最基本嘅咖啡亦唔錯，Cold Brew會不時更換咖啡豆，亦會有咖啡特調供應唷。

悠閒舒適白色小屋  Portal Coffee

 圖：餐廳IG

荷蘭園呢間咖啡店以白色同木為主調，加上植物裝飾同梳化，感覺舒適寫意～想嘆杯咖啡嘅話有超多選擇，包括生椰拿鐵、花生拿鐵、柚子美式、香水檸檬美式等。輕食亦非常多元化，從盒子蛋糕、貝果、曲奇、牛角窩夫等應有盡有。