「尖沙咀美食坊Granville Food Square」喺加連威老道正式開幕！美食坊佔地約5,000平方呎，環境以復古歐陸風為藍本，喺異國氣氛下食勻多國料理。
多間外國人氣店進駐美食坊，如英國有名炸魚薯條店Zan Fish姊妹店「The Chippy」；主打極濃蝦汁焗飯嘅「焗飯農莊Gratin Garden」；泰籍大廚還原地道風味嘅「泰Grill」等。
美食坊特設侍應點餐送餐服務，嚟到坐低等食就得喇！而且價錢貼地，係尖沙咀少有CP值高嘅美食廣場。啱晒上班族商務快餐，又或三五知己打卡聚餐。
【欖球員大讚！】足料重磅英式炸魚薯條
英國Zan Fish姊妹店「The Chippy」，曾為中環英國文化節嘅快閃專店，錄得日銷500份炸魚及750公斤薯條嘅驚人成績。全部食材由英國100%空運到港，並以英式地道做法還原傳統風味，連早前來港參加國際欖球賽事嘅欖球員都讚不絕口！
不得不試招牌菜炸魚薯條，特選北大西洋鱈魚柳，每份炸魚都足有12oz，再加埋厚切薯條勁滿足！記得蘸埋茄汁 或 他他醬等經典醬料，感受英倫滋味。鐘意試新嘢嘅話，可以揀Michael Jackson最愛經典醬汁「青豆醬」，清爽濃味交匯勁有驚喜
【The Chippy】
【The Chippy】
店內更還原英國傳統餐館佈置，除咗展示主廚Barnett家族歷史同英女皇勳章外，仲有好多珍藏品包括碧咸、美斯、尼馬等人嘅親筆簽名球衣。嚟食炸魚薯條順便睇埋珍藏品展覽，好似偷暇飛咗轉英國咁呀。
【The Chippy】
【20斤鮮虎蝦穀熬】全港首創！特濃蝦汁海鮮焗菜飯
香港人對焗飯總有份情意結，無論茶餐廳定快餐店都見到佢嘅蹤影。原來焗飯係源自法式砂鍋Casserole嘅經典菜式，隨後十九世紀喺廣州傳遍港澳，融合本地特色後就成為我哋熟悉嘅港式焗飯啦！
而「焗飯農莊Gratin Garden」嘅焗飯有別一般港式焗飯，主廚將焗飯底加入小棠菜，保持焗飯嘅香口軟綿口感外，又能平衡日常營養所需。最後再為焗飯淋上20斤鮮虎蝦穀熬製嘅特濃蝦汁，極濃郁虎蝦鮮味絕對震撼味蕾呀。
【Gratin Garden 焗飯農莊】
【Gratin Garden 焗飯農莊】
【泰Grill唔只賣Grill】Chill食傳統泰菜
「泰Grill」主打泰式串燒，但同時傳統泰菜都好高質！全因「泰Grill」由真·泰籍大廚主理，真正還原地道風味。招牌串燒有雞、牛、豬3款肉類選擇，唔知點揀好大可嚟個串燒Combo，雞牛豬串燒通通有齊。
地道泰菜則有冬蔭功湯、泰式肉碎生菜包、燒豬頸肉飯、芒果糯米飯等。食泰菜梗係要點冬蔭功啦，呢度嘅冬蔭功香料十足，酸酸辣辣加埋彈牙大蝦，開胃解膩。同場豬頸肉充滿炭燒香，蘸埋特製泰式酸甜醬，佐飯一流。
【泰Grill】
夏天想輕食就要試吓泰式肉菜包，清爽生菜包住肉碎香辣過癮。唔嗜辣則可試經典芒果糯米飯，於香甜芒果、糯米淋上滿滿椰漿，食落口感軟糯、暖胃輕甜。
【泰Grill】
【美食坊優惠】出示OpenRice資訊即享9折
美食坊仲有一系列高質餐廳選擇，如主打100％純天然無添加花膠雞湯底「山東餃子花膠湯飯專門店」，每啖都有豐富骨膠原；主打日式丼飯「悠活·丼」；夏日夢幻打卡果茶店「The Fountain」等。
【山東餃子花膠湯飯專門店】
【山東餃子花膠湯飯專門店】
【The Fountain】
【The Fountain】
而家出示OpenRice優惠資訊，全單即享9折優惠；外賣自取最高可享8折優惠(單點The Fountain餐點除外)。喺尖沙咀開飯都可以咁抵，唔好錯過呀。
尖沙咀美食坊
地址: 尖沙咀加連威老道46-48號地舖
*每間指定餐廳支援的付款方式有所不同，詳情請向有關餐廳查詢。餐廳保留最終決定權。
