愈近聖誕節就愈多飯局，想繼續食得豐富又抵食嘅話，泰國菜餐廳Milu Thai มิลู่ไทย就啱你喇～餐廳由泰國廚師主理，除咗常見嘅泰國菜，重有當地嘅特色料理同自創款式，如曼谷拉差達夜市好受歡迎嘅火山排骨。而即日起至2023年1月3日，午市推出全單7折優惠，咁同同事、朋友食個豐富午餐都得啦。
用OpenRice優惠券午市享用單點菜式有7折（按此）
店內設計以塗鴉為題，單點菜式全日供應㗎
【必食特色泰國菜】
火山排骨
從曼谷拉差達火車夜市引入嘅打卡菜式，啱晒肉食控開心share～幾條大排骨䇄立喺碟上，高達30cm，非常足料！排骨用多種泰國香料、豬頸骨熬煮3至4個鐘，入味之餘，肉質嫩滑；配埋秘製酸辣醬汁好開胃。
火山排骨
火焰燒雞
火雞雖然係聖誕應節食品，但太大隻未必食得晒，不如試下呢道以芭提雅烤雞為靈感嘅火焰燒雞。上檯時店員會喺你面前淋上烈酒再點火，火焰效果打卡一流，食落更加皮香肉滑。
火焰燒雞
【辣辣海鮮】
青胡椒辣椒膏炒大頭蝦
嗜辣同海鮮嘅朋友，以下兩道菜啱晒你呀！青胡椒辣椒膏炒大頭蝦，將蝦隻炸至香脆增加口感；再配上多種泰國香料、青胡椒同辣椒膏快炒，味道微辣，同時帶出蝦嘅鮮味。
青胡椒辣椒膏炒大頭蝦
咖喱三重奏
食泰國菜點少得咖喱呢！芝士火鍋變奏版嘅咖喱三重奏，一鍋有齊青、紅、黃咖喱，唔使躊躇揀咩味。餸料有扇貝、炸軟殼蟹、炸龍脷柳、青口等7款海鮮外，重有多士粒畀你蘸咖喱汁。
咖喱三重奏
配香脆多士粒
【傳統泰國菜】
泰式蛋包金邊粉
炒金邊粉係人氣泰式麵食之一，而傳統口味嘅金邊粉，配甜酸汁、豆干等炒熟後，用金黃色網紋蛋皮包住，再放上炸大蝦，賣相吸引。另外可按喜好自行加入花生碎、青檸檬同辣椒粉，提升惹味指數。
泰式蛋包金邊粉
鮮檸檬肉碎明爐烏頭
具泰式風味嘅料理～原條烏頭邊煮邊食，魚肉鮮甜，伴上彈牙嘅肉丸，以及用香茅、南薑、辣椒、鮮檸檬等材料煮成嘅湯汁，爽辣開胃。
鮮檸檬肉碎明爐烏頭
芒果糯米飯
最後自然要食返個芒果糯米飯，滿足埋「第二個胃」嘅。芒果味道清甜，配上香濃嘅椰汁同軟糯嘅糯米飯，為豐盛嘅一餐畫上完美句號。
芒果糯米飯
Milu Thai มิลู่ไทย 
地址：銅鑼灣耀華街3號百樂中心2樓
電話：28850060
