對食有要求嘅人,一定會愛上私房菜。因為預約時已可同大廚溝通想食咩,再設計你嘅專屬Menu,懶人唔想揀又可以揀套餐。
呢間「彤私房菜高級粵菜」大廚更有20多年高級餐館經驗,所以可做到多款鮑參翅肚矜貴菜式,仲有多道手工料理,唔係度度食到㗎。好似大廚話齋,想客人嚟呢度食飯係覺得值嘅!
【必試招牌】
魚米之鄉
原條斑起肉已氣勢十足,仲有專人將濃郁蝦湯倒入炸米,瞬間冒煙兼沙沙聲,記住準備手機打卡呀!炸米吸滿蝦湯,入口仲卜卜脆之餘,又會滲出湯汁,脆、鮮、嫩多重層次。
倒入蝦湯係打卡位!炸米又脆又香。
叉燒
呢度嘅叉燒記住預訂,因為有別坊間用梅肉,而係用梅肉入面最靚位—天下第一刀,每隻豬得一條所以特別矜貴㗎!再自家燒製1個鐘,甜香外層加埋超嫩肉質,完全打破對叉燒嘅刻板印象。
「叉燒」用天下第一刀,每隻豬得一條,好少機會食到。
【矜貴鮑參翅肚】
蟹肉乾撈翅
係大廚於高級中菜館經驗而成,要將翅煎至香口、外脆內軟,同一般湯翅感覺好唔同。
「蟹肉乾撈翅」工夫繁複。
輕浸熱湯食又係另一種感覺。
魚翅撈飯
以前成日聽到嘅「魚翅撈飯」,估唔到真係食到。
經典「魚翅撈飯」。
濃湯翅
傳統啲嘅濃湯翅都有,好啱宴客聚會。
宴客一流「濃湯翅」。
同樣有派頭嘅「五頭鮑魚花膠」。
想香口惹味啲嘅可揀「鮑魚炒飯」。
【香濃馬拉咖哩】
大廚嘅粵菜、馬拉菜經驗,令呢度有多款Fusion 菜。當中必試嘅有馬拉咖哩系列,咖哩以多種香料煮製,特別香濃滑身。
咖哩龍蝦
咖哩魚頭
【海鮮料理】
酸菜魚
海鮮料理大推酸菜魚,酸辣味突出而不嗆,斑球魚味濃又彈牙。
「酸菜魚」有足料斑球。
仲有多款蝦料理。
「麥皮蝦」好有麥皮香,並用牛油、香料、乾蔥等逼出香味。
金絲奶油蝦
【啖啖肉】
秘製鹽香雞
特別用滾湯將雞慢慢淋熟,令雞肉勁嫩勁入味。熱湯係自家用火腿、蝦米等熬煮,湯味濃郁。
用湯慢慢淋熟勁入味。
另一選擇「煙燻雞」。
「鵝肝炒牛柳粒」有肉味又有鵝肝油香。
「燒排骨」選用西班牙排骨,厚肉軟腍又多肉汁。
開飯仔依家仲有好野益大家!於2022年4月29日至6月9日期間,到【彤私房菜高級粵菜】消費並上載有效收據到指定網頁,隨時贏取豐富獎品!食得愈密,得獎機會愈大,超過200份獎賞等梗大家!快啲約埋飯腳開餐啦!