食肉獸必讀！東京燒肉放題5大推介

唔少人返鄉下嘅時候都會專程去試一試正宗燒肉放題，皆因性價比高而且肉嘅種類又多！但係花多眼亂唔知揀邊間好？日本小編就為大家嚴選5間東京人氣燒肉放題餐廳，位置方便，去擦返餐啱哂。

神保町食肉センター

供應嚴選和牛同豬肉，目前有兩間分店。從開業起不斷改良自家秘製醬汁，醃過嘅肉入味之餘完全冇肉腥味，仲帶出咗食材嘅最佳風味添。放題只限午市供應，食45分鐘只係950円，非常抵食，所以每日都吸引好多本地人一早去排隊。想平食靚燒肉就要早啲到啦~

另外姊妹店新宿食肉センター極嘅「網油包豬肝」係唔少食家嘅推介菜式，鐘意食內臟嘅話必試。

A post shared by @banbi12 on Jan 12, 2018 at 11:31pm PST

上野太昌園

上野太昌園係上野嘅老字號燒肉店，開業於1963年，目前有3間分店。餐廳將韓國嘅燒肉文化同日本人嘅口味相結合，提供種類豐富嘅燒肉料理。除咗必食嘅特選霜降黑毛和牛，呢度仲有多種黑毛和牛嘅稀少部位供顧客品嘗。

黑毛和牛燒肉放題價錢為女性3,500円 / 男性4,200円，限時兩小時。

A post shared by junya (@junyaxs) on Jan 10, 2018 at 3:59am PST

土古里

呢間燒肉連鎖店主打最高級和牛之一嘅山形牛燒肉，入貨嘅時候同樣係整隻購入，以確保品質同新鮮度，肉質細膩鬆軟，而且口感嫩滑。山形牛放題定價6,200円食120分鐘，有50款以上嘅料理可以任食，連稀少部位都有㗎。呢度仲有單點餐牌或套餐，唔少食家都話比放題嘅肉優質啲，自問食量唔多嘅話叫套餐都夠。

A post shared by T Hoshikawa (@takahito_hoshikawa) on Dec 26, 2017 at 4:51am PST

延伸閱讀：【最新版】東京車站人氣手信BEST 4

肉屋の台所

「肉屋的台所」以涉谷為中心開咗9間分店，專門提供高級黑毛和牛放題，價格由3,000至5,000円不等，而且餐廳嘅和牛都係成隻入貨，保證和牛品質。其中最特別嘅要數5,000円食150分鐘嘅「肉芭菲放題」，份份肉都擺到成杯芭菲咁，呃like一流。

A post shared by 肉屋の台所【公式】 (@nikuyanodaidokoro.official) on Jan 26, 2018 at 12:54am PST

炙屋武蔵

呢間位於銀座嘅燒肉店主打A5和牛放題。「極上和牛食べ放題」有牛舌、牛肋骨等，仲有平時食唔到嘅和牛部位可以揀，最特別係和牛壽司都係任食㗎！價錢係男士6,200円/女士5,200円，限時90分鐘。另外呢度嘅牛肉他他亦都好受歡迎，雖然放題唔包，但有興趣不妨單點一份試吓。

A post shared by ya_co (@ya._.coo) on Jan 28, 2018 at 6:11pm PST

延伸閱讀：嚴選京都必食5強拉麵