難得「返鄉下」，行程唔Chur盡啲超級無敵早出晚歸又點夠喉呢？但就算行程再多再趕，早餐始終要食，唔係就好易唔夠精神，而且坐低去食早餐都係一個體驗嚟！咁到底東京有乜早餐食？築地排隊食壽司？都得嘅~但我哋今次介紹嘅係呢啲：
銀座朝食ラボ
Source
HOTEL MUSSE GINZA MEITETSU供應嘅早餐自助餐唔係行傳統路線，佢哋嘅早餐係整好一碟碟和式/洋式小碟畀大家自行砌靚靚個九宮格，而且佢哋係以「日本一嘅東京早餐」為目標，所以大家唔使擔心只有平價食材供應，但求客人食得飽就算。而且因為係走自助形式，只要客人鍾意，同時食漢堡扒、焗烤通心粉再跟返個味噌湯同生蛋拌飯(TKG)都得。佢哋7:00開始供應早餐，用餐時間可選50分鐘或90分鐘，價格分別為2,200円及2,500円。
Source
無論係住喺淺草一帶，抑或係想嚟淺草寺參拜兼同雷門大燈籠打卡，都可以過嚟呢間味噌湯同飯糰都出名嘅人氣店。多數人朝早嚟都會叫一份加半熟蛋半隻嘅早晨套餐 (8:00~10:00供應；660円)，唔夠飽可以再追加飯糰 (132円) 或一Set三種小菜 (385円)。飯糰可以隔住玻璃櫃睇到有咩款 (常駐有玄米、鹽味海苔、燒三文魚同梅乾)，而令大家估唔到嘅係佢哋連味噌湯口味都有得揀！最近口味就見到有 A)甜薯+ 小松菜+石蓴昆布；B)蘑菇+油揚+長蔥，但相信大家去食嗰陣又轉換咗口味啦~
CLINTON ST. BAKING COMPANY & RESTAURANT
Source
講到食日本Pancake，大家會諗起bills定Eggs 'n Things？呢兩間當然都係好選擇，但今次我哋可以睇呢間嚟自紐約、連續兩年入選日本權威飲食網站百名店嘅Clinton St. Baking Company & Restaurant~佢哋朝早開9:00，從表参道駅行過嚟約6分鐘路程，正好適合起身過嚟歎份招牌楓糖牛油鬆餅跟藍莓醬 (1,600円) 或煙三文魚班尼迪蛋早餐(1,900円)，然後再殺落去行街爆買！
Source
呢間店就位於代官山蔦屋書店旁，無論是逛街前定逛街後作為中間嘅補給點都啱哂！問題係佢哋非常多人排隊 (尤其係吸引人嘅戶外位！)，最好都係預約咗或揀平日16:00~17:00呢啲時間去會容易快啲有位！講返早餐，佢哋平日係由8:00開始而星期六、日同假期就會再開早一個鐘即係7:00就有得食，想健康啲可以叫份穀麥片加蜜糖同乳酪 (1,100円)。如果想一口氣食到最多種類嘅建議叫IVY Big Breakfast (2,000円)，一份有齊Pancake、兩隻煎 / 炒蛋、香腸、煙肉同沙律菜！
Source
唔想食得太Heavy？簡簡單單一份日式蛋治跟返杯咖啡好唔好？呢間店(開9:00)就算距離最近嘅代々木公園駅都有一定路程，但沿路都有唔少好Chill嘅咖啡店同人氣麵包店，大家一定要忍住啊！佢哋嘅招牌蛋治(450円)賣咗咁多年都仲留到客，好唔好味唔使多講~而除咗蛋治，佢哋仲有無花果蘋果芝士蜜糖(900円)、自家製羊煙肉乾蕃茄芫菨(1,100円)三文治，跟杯細Latte (550円)或抹茶Latte(700円)就係一份完美早餐！