呢個時代去旅行揀餐廳除咗要好食之外，餐廳環境係唔係igable都好重要，畢竟大家想影到靚相同朋友分享發掘到特色餐廳㗎嘛！有趣嘅係被定性為igable嘅餐廳又唔一定代表係Fine Dining或者貴一貴嘅五星級酒店餐廳，只要有主題同話題性，好似今次我哋要為大家介紹嘅5家花園主題餐廳咁，無論係味道定賣相都一樣咁有吸引力，大家諗定襯咩靚衫去瘋狂影影影啦！

1. Café Q Classified

Q Classified 喺新加坡有兩間分店，兩間都係用大量花花裝飾，Ngee Ann City (義安城；烏節路)分店係粉紅色牆身配搭木系白色檯櫈，真係坐邊個位都可以輕鬆打卡！嘢食方面呢度極多選擇，由全日早餐、漢堡、超薄批底Pizza、沙律、意粉都有，而當中最受歡迎嘅係韓式燒牛肉三文治 (Bulgogiwich)、龍蝦海膽黑松露扁麵同海鮮意大利麵。如果唔係特別想食主食，呢度仲有魚子醬龍蝦三文治、滑蛋海膽三文治同有鹹有甜嘅荷蘭鬆餅；而素食者則有藜麥壽司卷及烤椰菜花等選擇。

強烈建議先行預約：
https://s.openrice.com/eKKSB01JAS200~d0j22-uHW

2. Masons

呢棟歐陸莊園風建築其實是於戰前(1935年)由英軍建成的吉爾曼軍營藝術區 (Gillman Barracks)，輾轉於英軍及新加坡政府手上多年後，於2010年由Verve集團將其翻新，成為今日情侶約會、慶祝特別日子甚至是結婚嘅首選餐廳！Masons室外及室內座位各有特色，室內黑白色裝潢設計，配合綠油油的室外用餐區，整體氛圍優雅又悠閒。大部分食客都特別欣賞佢哋融合咗中西食材嘅菜色如：黑胡椒牛肉、宮保大蝦。最後畀大家參考吓價格，呢度最新宣佈推出嘅情人節4道菜套餐價格為新加坡幣$68起/位(約港幣$405起/位)，配香檳則為新加坡幣$98起/位(約港幣$585起/位)。

先行預約更方便：
https://s.openrice.com/eKKSB01iyA000~d0j22-uHW

3. Prairie by Craftsmen

留意啊~呢間餐廳喺新加坡有3間分店，但講到佈置到成個溫室小花園咁就係Bukit Timah區呢間！被大量綠色植物包圍住嘅室外座位有玻璃窗頂，陽光曬入嚟令成個用餐環境溫暖明亮，所以雖然都有成40個位左右，但一嚟呢個品牌都有一定名氣，再加上係寵物友善餐廳，天氣好嘅話真係一位難求！餐牌方面呢度有分時段，8:00am~11:45am有早餐食，推介大家試試昆布牛油配烤Sourdough！如果係午餐或晚餐時段嚟，就推介大家叫慢煮牛尾同慢煮油封鴨腿~~當然啦，無論係咩時間嚟都唔好唔記得飲返杯佢哋講究嘅優質咖啡啊(唔飲啡都有Valrhona朱古力、黑芝麻Latte或7種香料Latte)！

提早預約就唔怕冇位：
https://s.openrice.com/eKKSB016Ou200~d0j22-uHW

4. PS.Cafe

講到老牌Cafe，喺唔少新加坡人心中擁有唔少分店嘅P.S Cafe一定有一席位，而佢哋位於東海岸嘅分店就因為朝向海灣似足一個小綠洲，成間餐廳寬躺又舒適，所以喺週末特別受本地人歡迎。咁又難怪嘅~假日嚟到坐喺大大落地玻璃窗隔離，一邊望住出面踩單車嘅人一邊歎咖啡放空真係好Chill~如果同朋友一齊嚟，強烈建議大家一定要叫份招牌松露薯條或者係蟹肉撻、虎啤炸魚薯條分享！

訂座先就輕鬆哂：
https://s.openrice.com/eKKSB01Hci200~d0j22-uHW

5. Spruce

如果上面介紹過嘅小花園、小溫室都未夠滿足，想再親近多啲大自然就要揀去位於小山坡上嘅Spruce喇！呢度成間餐廳都被樹木包圍，唔少人都話坐戶外有陣陣涼風送爽之餘仲會聽到蟲鳴聲！呢度嘅食物種類好多元化，晏晝嚟可以揀全日早餐、用窩夫取代鬆餅嘅斑尼迪蛋、蛋糕呢類大份夾抵食嘅輕食，呢度亦有下午茶Set，而夜晚就可以揀食招牌辣雞翼同菠菜西蘭花大蝦意粉再配佢哋推介嘅各種優質美酒。

強烈建議先行預約：
https://s.openrice.com/eKKSB011ha200~d0j22-uHW

OpenRice SG Editor