有人話要認識一個地方，其實都可以從佢哋嘅飲食文化開始，好似匯聚各地文化嘅新加坡咁，好多東南亞菜式喺呢度都有一席之地兼有獨特「變種」，好似之前為大家介紹過嘅炒辣蟹、同馬拉有分別嘅肉骨茶同當地當早餐食嘅椰漿飯咁～如果你係第一次嚟新加坡旅遊，我哋駐當地編輯特別推介大家去以下五間餐廳，等大家睇吓當地人平時鍾意去邊食飯，更深入地體驗吓當地嘅飲食文化！
1. Chinatown Seafood Restaurant
初來報道驚水土不服？唔怕！晏晝落機去酒店Check In之後再去牛車水行個圈，晚餐就去牛車水八道館魚蝦蟹食第一餐正餐啦！呢度嘅室外座位一到夜晚就好熱鬧，喺唔太熱嘅日子坐喺度一邊食飯，一邊睇街景都幾Chill吓！咁點解會話呢度嘢食貼合返香港人口味呢？首先餐牌上有唔少嘢食都係酒樓常見菜式，譬如話港式蒸魚、炒菜、星洲炒米甚至係點心大家都唔陌生。然後，如果大家都已經開咗胃準備好試吓當地嘢，呢度亦有炒辣蟹、鹹蛋黃炒蟹、黑胡椒炒蟹、麥皮蝦同星式喇沙可以揀。惹味海鮮配啤酒，一個字——爽！
預約就唔怕到時冇位：
https://s.openrice.com/eKKSB01Sqm000~dJBV8_7bC
2. Daisy's Dream Kitchen
去受歡迎嘅餐廳當然係要先預約：
https://s.openrice.com/eKKSB015qS200~dJBV8_7bC
「Zi Char」中文翻譯過來即係煮炒，同時亦即係閩南語中嘅大排檔。喺新加坡問人邊度有Zi Char餐廳推介，等於叫人介紹經濟實惠嘅家庭小菜館，而呢間Friends Wok & Bak Kut Teh正正就係當地人常去嘅餐廳之一。喺呢度大家除咗可以食到亞參魚頭、泰式蒸海鱸魚、蝦醬雞、鹹蛋蝦、燜豬手等小菜，鍾意湯水嘅朋友亦可以喺度搵齊兩種唔同風味(藥膳味 / 胡椒味)嘅肉骨茶，每碗都跟大嚿入味排骨，無論咩季節飲完都覺得成個人精神爽利哂！
揀好日期時間就預約啦：
https://s.openrice.com/eKKSB01JyM100~dJBV8_7bC
4. Muthu's Curry
唔想錯過就先行預約：
https://s.openrice.com/eKKSB01cYy000~dJBV8_7bC
5. The Coconut Club
前邊介紹咗咁多親民系餐廳，但始終去得旅行都想搵IG-able嘅美食同裝修佈局？去新加坡人人都識嘅椰子俱樂部就可以瘋狂打卡喇！佢哋主打嘅椰子料理唔係罕見嘢，但呢度就係有本事令到熟食中心嘅平民菜式如「辣死你媽」（Nasi Lemak/ 椰漿飯）都可以登上大雅之堂！食過嘅客人分享話椰漿飯濃稠得嚟又有奶香，比較坊間其他地方食到嘅椰汁味道更有層次唔易膩，加埋煎蛋、脆口魚仔、花生、參巴辣醬同外脆內軟又多汁嘅香茅雞肉，想唔滿足都難！至於嘢飲同甜品方面，都一場嚟到椰子主題餐廳，又點可以唔叫杯椰子奶昔/椰子Cold Brew呢？相對地，甜品反而有較高人氣嘅都係非椰系：顏色鮮艷嘅糕點拼盤、棕櫚糖戚風蛋糕……想食到最後一啖都有椰味係咪冇計？都有！揀椰奶珍多冰甚至直情食個椰子凍結束呢個回合啦！
配合行程預約定安心哂：