陳漢記 (已結業)

突然凯彤话收工一齐去食宵夜，梗系娘饭应啦 ﹗开心死我咩 ﹗原本想去大鹿鸣居食架，但未够两点钟关左门，唯有搭的士去陈汉记食啰。我已经爆醉，叫左一大堆食物呢，哈哈 ﹗今晚又撞到教头老板，您好吗？Sorry 呀，我太醉又太开心，把口讲唔停呢，都系食野稳阵喇。叉烧肠粉，您返左黎喇？仲咩唔通知我一声呢？热烫烫送到劲好味，叉烧非常香甜又足料，肠粉皮滑溜白里透红又唔会油淋淋，大埔 top 1 位置无人能及。斋肠粉，凯彤话只食斋肠，唔要有馅呢，无紧要，要几多有几多。就算系斋肠都同样系即拉，非常热辣辣、滑溜、米香浓厚，添上芝麻另佢更香口无咁单调。加埋混酱三宝，辣椒酱、甜酱、豉油，就更开胃啦。牛肠牛膀河走葱，好正啊 ﹗香料及卤水已完全渗入牛肠牛膀之中，每一口都充满浓郁香甜酱汁味道。牛肠牛膀同样外弹内滑又有咬口，牛膀如海棉一样索尽汤既精华令人食唔停口呢 ﹗牛肠牛膀河走葱，极浓郁既腩汁汤底配上淡口既河粉非常之夹，一咸一淡刚刚好 ﹗棉滑河粉夹住汤汁再混上大量辣椒坠进口中，美味极了 ﹗最讨厌硬屈屈既河粉。凯彤食唔晒碗鱼蛋河，咁我食埋啲鱼蛋去唔好浪费。鱼蛋麻麻地，不鲜不弹不香不浓，黎陈汉记都系食牛最好啦。