更多
2015-12-23
1152 瀏覽
本來講笑話去食煲仔飯、魚蛋粉，但南南一口答應無異議喎，我當然無所謂啦。尊登黎食爽滑魚皮，點知一早賣晒，每日只有幾份戶，一切隨緣。居然要係門口吹風排長龍等位？好采跟老闆相識十幾廿年，可以係 VIP 區優先處理，真係唔好意思喇。今晚除左等位要排長龍外，就連煲仔飯都排長龍，最少要等 45 分鐘，生意好到不得了！So sorry 呀，又要用我 VIP 身份優先處理個煲仔飯，25 分鐘有得食，麻煩晒。滑雞排骨烋仔飯加咸蛋，依煲飯由正哥煮理話咁快就到，開蓋落一半甜豉油，扲蓋再張剩餘既甜豉油淋係蓋邊，等佢慢慢流入煲內，焗 30 秒，開飯喇！又係我最討厭既外購現成咸蛋黃，預先蒸熟又壓成圓片唔好食，無鮮味無蛋味無蛋黃油囉 ﹗普通半隻新鮮咸蛋黃連蛋白撈白飯好食百倍啦，依家塊咸蛋黃用黎裝飾咩。雞件肉質超滑啊，醃味濃郁，雖然蓋過晒雞味，都合格。排骨半肥瘦，軟棉香甜，肉多骨少，滿意滿意。煲仔飯既靈魂當然係飯啦，飯粒飽滿嚥韌有飯燋香，撈上自家調製甜豉油，味道唔錯。如果可以再乾一點就更好喇 ﹗總分不過不失，大路穩陣食得過。叉燒瑤柱腸，發現新大陸，未見過梗係要試啦。居然勁多蔥呀！似乎有點喧賓奪主喎，叉燒瑤柱先係主角架
滑雞排骨烋仔飯加咸蛋，依煲飯由正哥煮理話咁快就到，開蓋落一半甜豉油，扲蓋再張剩餘既甜豉油淋係蓋邊，等佢慢慢流入煲內，焗 30 秒，開飯喇！又係我最討厭既外購現成咸蛋黃，預先蒸熟又壓成圓片唔好食，無鮮味無蛋味無蛋黃油囉 ﹗普通半隻新鮮咸蛋黃連蛋白撈白飯好食百倍啦，依家塊咸蛋黃用黎裝飾咩。雞件肉質超滑啊，醃味濃郁，雖然蓋過晒雞味，都合格。
排骨半肥瘦，軟棉香甜，肉多骨少，滿意滿意。煲仔飯既靈魂當然係飯啦，飯粒飽滿嚥韌有飯燋香，撈上自家調製甜豉油，味道唔錯。如果可以再乾一點就更好喇 ﹗總分不過不失，大路穩陣食得過。
叉燒瑤柱腸，發現新大陸，未見過梗係要試啦。居然勁多蔥呀！似乎有點喧賓奪主喎，叉燒瑤柱先係主角架麻。不過我居然完全食得到蔥，仲無反胃添，奇怪呢。招牌即拉腸粉揚名全新界，薄薄滑嘟嘟腸粉皮，晶瑩剔透，半透明看得到餡料玲瓏浮凸，賣相已經滿分。米香非常，夾雜青蔥既清香、叉燒既甜香、瑤柱既咸香，淋上暖暖豉油再大卷塞滿口，好滿足呢 ﹗
牛坑腩牛什伊麵走蔥走肺，超水準表現，好好味！坑腩啖啖肉，醃得入味又非常鬆軟，半點渣也沒有，儲存大量湯汁直奔入口，感動。牛腸外皮好有彈性裡面滑溜溜、牛肚夠軟棉，不過牛膀今次有點硬，未夠軟棉呢。伊麵烚得嚥韌彈牙，夠實淨無腍劈劈，口感超正！
勁撈陳漢記自家辣椒油，掛著濃郁牛腩湯汁，好味到停不了 ﹗忍唔住要連麵連湯一齊掃入口先可以令我冷靜落黎呢，唔洗幾分鐘已經完全被我消滅左喇！開心既時間好快過，全部食晒無得留低，食飽飽南南又要返酒吧開工喇，陰功 ﹗我送埋佢返工就自己去飲野喇。
滑雞排骨烋仔飯加咸蛋
37 瀏覽
0 讚好
0 留言
滑雞排骨烋仔飯加咸蛋
45 瀏覽
1 讚好
0 留言
叉燒瑤柱腸
38 瀏覽
1 讚好
0 留言
牛坑腩牛什伊麵走蔥走肺
38 瀏覽
1 讚好
0 留言
張貼
