陳漢記 (已結業)

居然要係門口排隊，仲要排晒長龍，嚇得我鴉！我去錯左一蘭？轉眼兩年無幫襯，因為都好少出大埔墟喇，大部份時間都係大埔中心附近。今晚巧遇教頭老闆，無見段長時間難免有點生疏陌生。廿歲時晚晚係附近波樓、酒吧留連必定黎幫襯，同教頭老闆、粥佬、腸粉佬、阿正、阿肥、阿細、阿七、小强、等等，嘻嘻哈哈 ﹗收檔拉閘齊齊劈酒猜梅掟鏢玩天光！勁癲勁好玩，不過依家已經各散東西喇！叉燒腸，賣相依舊 very good！叉燒味濃香甜有咬口。腸皮薄一薄，完全 see through 立立令，但質感太粉而黏口，無左滑嘟嘟既感覺，變了？蒸耐左？今次失準喎。而且落得太多油，食到成口油淋淋，多油唔一定係滑架。點解唔見腸粉佬呢？轉左位大嬸拉腸粉？好驚囉，唔怪得質數變左啦。牛膀牛腩伊麵走蔥，膀腩都好好味！教頭係大埔幾十年屹立不倒、生意越做越旺梗有原因既。牛腩夠腍夠滑又無渣，滷水香料佔據每一個細胞，一咬爆汁 ﹗牛膀好棉滑又嚥韌啊，炆得入味又夠鮮。伊麵軟硬適中，最怕烚到無味又腍劈劈，滿意！不過美中不足係個湯清淡左少少，好采有唔錯既辣椒油打救，微香微辣，合格。仲有碟通菜同芥蘭怪住食無影相添，同樣好鮮嫩爽甜，高質！牛腩牛肚麵走蔥，全部金錢