永華麵家 (已結業)

上次試左紅豆沙，的確幾高質，今次黎試呢度既生磨合桃糊，餐牌有個推介公仔，又比紅豆沙貴左10幾蚊，心諗應該會更好食，點知味道真係好一般，其實睇得出佢係真材實料，都夠稠身，但係唔知係咪處理手法定係合桃自身問題，都冇合桃香，亦都食唔出合桃味，加上佢冇落糖咁滯，食落係超淡，唯一抵讚係佢同上次碗紅豆沙一樣夠熱，但味道完全唔及海記合桃坊，價錢又唔抵食，呢度既合桃糊冇下次但下次經過都會再食紅豆沙既！始終個紅豆沙真心好食！