全旺火鍋海鮮酒家 (已結業)

有圍內人生日，由其中一位出席者負責安排，揀選這酒家主要原因係大厨宝哥是攪手嘅朋友。宝哥係一位對飲食很有熱誠的人，着重食材的挑選，很喜歡嘗試新款菜式，以前喺灣仔曾開過一間店舖叫「共嘢一煱」，當年朋友曾帶我們幫襯，各人對宝哥煮嘅餸菜都讚絕口，可惜由於抵受了業主瘋狂加租而結業。雖然無見宝哥咁耐，風釆依然；今晚菜式全由朋友和大廚發辦，我地就坐定定等品嘗美食了。1. 炸菜豬肺併麻辣豬手 --- 豬肺煲湯就試得多，但用豬肺做餐前小食你又試過未？豬肺洗得好乾淨，切得薄薄的，好爽脆，炸菜爽口得嚟唔會太咸，豬手夠麻辣、夠肥美，超正2. 白雲鳳爪 --- 鳳爪彈牙有咬口，放進口裏透着濃濃嘅葯材味，好似好補咁3. 脆皮乳豬仔 --- 宝哥話隻乳豬係我地嚟到坐低咗先開始燒嘅，燒到皮脆肉嫩，食到個個豎起大姆指4. 上湯浸蒜子露筍東星斑 --- 呢個係心機餸，每一條露筍都用一片東星斑卷著，好考廚子的工夫及耐性，魚湯鮮甜，露筍爽脆5. 清蒸東星斑 --- 條斑約有四斤重，一斑兩味，除咗頭先嘅露筍東星斑之外，餘下嘅就用金針、銀耳嚟蒸，星斑肉質幼滑，鮮味十足由於相片過多，故分為上、下兩集，請聽下回分解。