各位Minions Fans終於唔洗再睇住其他國家嘅得意Minions嘢食而覺得「葡萄」啦，因為香港麥當勞即將喺6月29號推出Minions脆薯嘜、香蕉批、芝士蛋糕味新地同一系列夏日食品！
 

最搶鏡嘅當然係全新脆薯嘜啦，Minions造型加上金黃色賣相，無論點影都咁得意。
 

傻蛋孖牛堡就喺麵包上面印住Minions，裡面夾住蒸蛋、牛肉、洋蔥條、牛排風味醬同芥末薯仔風味醬。同一時間仲有芝喳喳芥末雞堡供應，用燕麥點綴嘅麵包入面有香脆雞塊、煙肉條、生菜、芝士同蜜糖芥末醬。
 

而之前大受歡迎嘅香蕉批今次一齊強勢回歸。而且仲有埋新地香蕉脆，重點除咗有香蕉批配冰凍新地，當然就係黃色夠Sharp嘅Minions紙杯啦。
 

天時暑熱唔少得啖啖冰涼嘅菠蘿特飲，另外仲有一樣醒神嘅檸蜜雞翼。再貪心啲嘅朋友仔嗌個有齊檸蜜雞翼、脆香雞翼同麥樂雞嘅脆怪分享盒又得啫。
 

McCafé同樣有Minions出沒！全新蕉蕉蕉朱古力鮮奶咖啡係鮮奶咖啡加上朱古力同香蕉蓉，加埋上面嘅Minions大頭圖案，Fans實覺得夠Sweet。而Bello凍香蕉朱古力就啱哂大朋友同小朋友。
 

鐘意食芒果嘅朋友仔，可以留意同樣係全新嘅冰雪Double芒果同芒果蛋糕層層疊。層層疊蛋糕有鬆軟海綿蛋糕加上一層層班戟皮、幼滑芒果慕斯同鮮甜芒果肉，果香十足。
 

而甜品站今次就有芝士蛋糕味新地系列，有新地筒、新地窩夫筒、配藍莓醬嘅麥旋風同杯裝新地。而新地窩夫筒同麥旋風仲會特別配以手指指麥維他朱古力餅，口感更豐富。
 

見你睇到最後提埋你喇，購買任何食品就可以加$38換走其中一款Minions夏日齊齊玩兵杯。或者選擇加$168換特別版Minions夏日齊齊玩兵杯套裝，裡面有齊一套三款杯、特別版Minions冰格同三張$10 麥當勞美食券。呢個夏日就等Minions陪住你過！

文、片：Cathy
相：Kar