影片
更多
2009-08-09
30 瀏覽
AUG 2, 2009 (SUN) DINNER今日特登嚟試吓D特餐 $27 『配豆漿、凍飲 +$2』睇睇個餐牌，我哋有兩個同胞唔係好啱食，都係食住第樣先！我選了一個椰香焗雞球飯 配凍檸茶少甜黑椒雞扖火腿飯 配凍檸茶東坡肉牛肉麵 『上海麵』$28 『 配凍飲 + $4』東坡肉牛肉麵 『刀削麵』$31椰香焗雞球飯 ~ 一放低真係香噴噴得好緊要，陣陣香濃嘅椰香味非常清香，雞球多就唔在講，肉嫩味醃得剛好，仲有一些迷你金筍及洋蔥襯托，加上炒底的蛋絲，顏色都幾靚！真係估佢唔到真係好出色，一間上海菜做主力嘅食肆，料理西式都還有咁卓越嘅表現，真係值得一讚！講真，真係好多餐廳整呢D咁簡單嘅焗飯都好唔掂架！黑椒雞扖火腿飯 ~ 睇落去就無咩驚喜，但塊雞扖都係嗰句，醃得幾好味！黑椒汁幾夠多！東坡肉牛肉麵 『上海麵』~ 嚟到發覺跟上次食D牛展『即係牛肉』好明顯少得多，因為上次係另外用碟上的，份量還多舖滿一整碟！今次只係舖在碗上得幾片，不過東坡肉依然多！追問之下，原來係叫少咗麻辣兩個字，個姐姐仔話麻辣先係分開上的，於是就自己加咗檯面樽麻辣醬食，個秘製麻辣醬依舊好味道！只係少咗好多牛肉，真唔抵！東坡肉牛肉麵 『
今日特登嚟試吓D特餐 $27 『配豆漿、凍飲 +$2』
睇睇個餐牌，我哋有兩個同胞唔係好啱食，都係食住第樣先！
我選了一個椰香焗雞球飯 配凍檸茶少甜
黑椒雞扖火腿飯 配凍檸茶
東坡肉牛肉麵 『上海麵』$28 『 配凍飲 + $4』
東坡肉牛肉麵 『刀削麵』$31
椰香焗雞球飯 ~ 一放低真係香噴噴得好緊要，陣陣香濃嘅椰香味非常清香，雞球多就唔在講，肉嫩味醃得剛好，仲有一些迷你金筍及洋蔥襯托，加上炒底的蛋絲，顏色都幾靚！真係估佢唔到真係好出色，一間上海菜做主力嘅食肆，料理西式都還有咁卓越嘅表現，真係值得一讚！講真，真係好多餐廳整呢D咁簡單嘅焗飯都好唔掂架！
黑椒雞扖火腿飯 ~ 睇落去就無咩驚喜，但塊雞扖都係嗰句，醃得幾好味！黑椒汁幾夠多！
東坡肉牛肉麵 『上海麵』~ 嚟到發覺跟上次食D牛展『即係牛肉』好明顯少得多，因為上次係另外用碟上的，份量還多舖滿一整碟！今次只係舖在碗上得幾片，不過東坡肉依然多！追問之下，原來係叫少咗麻辣兩個字，個姐姐仔話麻辣先係分開上的，於是就自己加咗檯面樽麻辣醬食，個秘製麻辣醬依舊好味道！只係少咗好多牛肉，真唔抵！
東坡肉牛肉麵 『刀削麵』~ 同樣都係叫漏麻辣，所以牛肉一樣少得很，不過不知為何，呢碗東坡肉係原舊無切開的，非常大件，超抵食！仲係層次分明嘅五花腩嚟，入口即溶化！刀削麵麵質好滑，可以一試！
今日坐在水吧對面，見到負責沖檸茶個姐姐仔真係好攪笑！沖杯嘢要量嚟量去，又倒出嚟又倒入去幾十次先沖到一杯，真係夠哂認真，辛苦哂！
張貼