影片
更多
2009-07-16
18 瀏覽
Jun 28, 2009 (Sun) Dinner發現有間食 肆在商場一樓盡頭的一角，個名好勁呀！今日專登嚟試吓！！蘿蔔牛腩煲 $30仲有我最鍾意食嘅牛根喺裡面，仲好淋啱哂我，牛腩同樣夠淋，同蘿蔔一樣咁入味，嚟到就要試吓 la，好正！咖喱滑雞煲 $33雞都幾滑，咖喱汁味道唔錯，但唔夠香！咸肉炒津白 $28津白好淋好入味，滲入了咸肉嘅咸香味濃！呢個餸等得比較耐，簡簡單單，不過好好味，都值得等嘅！菠蘿生炒骨 $28不會太甜或太酸，甜酸味剛剛好，排骨肉軟淋，菠蘿仲係新鮮嘅，，加咗D青綠嘅西椒，真係色、香、味俱全！蝦仁炒蛋 $28比前幾道菜，呢個就略為遜色咗少少，蝦仁超細粒，我諗似大隻D嘅蝦米，HEHE！蛋唔係滑蛋，也不是炒蛋米，且有少少水汪汪，結果冇人欣賞剩餘好多！加 $4 送白飯一碗及餐飲一杯 『凍飲或轉酸辣湯 +$2』個酸辣湯大家都覺得太酸，但都唔係差，普通 la ！好抵食！電視在舖頭的牆中央，張張檯都睇得好清楚，唔駛就嚟就去，幾好幾好幾周到！食食吓先發覺原來呢度係出名食上海嘢架！不過小菜都好好味，除咗蝦仁炒蛋！我哋決定下星期同樣時間喺度再見！今日係咁先！！
發現有間食 肆在商場一樓盡頭的一角，個名好勁呀！今日專登嚟試吓！！
蘿蔔牛腩煲 $30
仲有我最鍾意食嘅牛根喺裡面，仲好淋啱哂我，牛腩同樣夠淋，同蘿蔔一樣咁入味，嚟到就要試吓 la，好正！
咖喱滑雞煲 $33
雞都幾滑，咖喱汁味道唔錯，但唔夠香！
咸肉炒津白 $28
津白好淋好入味，滲入了咸肉嘅咸香味濃！
呢個餸等得比較耐，簡簡單單，不過好好味，都值得等嘅！
菠蘿生炒骨 $28
不會太甜或太酸，甜酸味剛剛好，排骨肉軟淋，菠蘿仲係新鮮嘅，，加咗D青綠嘅西椒，真係色、香、味俱全！
蝦仁炒蛋 $28
比前幾道菜，呢個就略為遜色咗少少，蝦仁超細粒，我諗似大隻D嘅蝦米，HEHE！蛋唔係滑蛋，也不是炒蛋米，且有少少水汪汪，結果冇人欣賞剩餘好多！
加 $4 送白飯一碗及餐飲一杯 『凍飲或轉酸辣湯 +$2』
個酸辣湯大家都覺得太酸，但都唔係差，普通 la ！
好抵食！電視在舖頭的牆中央，張張檯都睇得好清楚，唔駛就嚟就去，幾好幾好幾周到！
食食吓先發覺原來呢度係出名食上海嘢架！不過小菜都好好味，除咗蝦仁炒蛋！
我哋決定下星期同樣時間喺度再見！今日係咁先！！
張貼