影片
更多
2009-08-01
32 瀏覽
Jul 5, 2009 (Sun) Dinner 今次專登嚟試吓呢度D上海嘢！雞絲粉皮 $22可能因為即整嘅關係，要慢慢將雞手撕呱，個冷盤竟然係最遲嚟！D粉皮仲係暖嘅添，不過有好多芝麻醬，蠻不錯喔！銀芽炒鱔糊 $32食上海嘢當然要試呢個餸啦！最快係佢嚟，不過個樣就經已唔係好掂，銀芽非常多整碟滿滿的，鱔糊就得好少，仲有骨添，水汪汪咁，味道就不願多提 lu ！兩個字講哂，差勁！用韮王炒加個獻汁，我諗咁煮大路D，唔駛嘥哂D鱔糊！沙鍋雲吞雞 $65也是上海菜必食之選，雲吞皮少少厚，但咬落有肉汁流出嚟，餡料肉味鮮，雞就有D嚡！湯就好鮮甜，飲飲吓發現有幾片金華火腿呀！大家都爭住食，手快有手慢無 lu ！ 糖醋排骨 $32細細個小碟乘著細細的 6小舊糖醋骨，非常精緻！差D唔夠分，嘻！陣陣鎮江醋的香，還帶著丁點的甜，D排骨好嫩，原來呢個先至係必選！四川擔擔麵 $23麵質頗彈牙，料亦頗多，OK！東坡肉麻辣牛肉麵 $28東坡肉鋪滿碗面，極入味、肥瘦層次分明、入口即溶化，正！麻辣牛肉係用碟分開上嘅，也是整碟滿的，麻辣味好香，牛展食落真係有少少麻，但一D都唔油，呢D咪有麻辣嘅感覺又唔油膩囉！正正正！！！上海粗
今次專登嚟試吓呢度D上海嘢！
雞絲粉皮 $22
可能因為即整嘅關係，要慢慢將雞手撕呱，個冷盤竟然係最遲嚟！D粉皮仲係暖嘅添，不過有好多芝麻醬，蠻不錯喔！
銀芽炒鱔糊 $32
食上海嘢當然要試呢個餸啦！最快係佢嚟，不過個樣就經已唔係好掂，銀芽非常多整碟滿滿的，鱔糊就得好少，仲有骨添，水汪汪咁，味道就不願多提 lu ！兩個字講哂，差勁！用韮王炒加個獻汁，我諗咁煮大路D，唔駛嘥哂D鱔糊！
沙鍋雲吞雞 $65
也是上海菜必食之選，雲吞皮少少厚，但咬落有肉汁流出嚟，餡料肉味鮮，雞就有D嚡！湯就好鮮甜，飲飲吓發現有幾片金華火腿呀！大家都爭住食，手快有手慢無 lu ！
糖醋排骨 $32
細細個小碟乘著細細的 6小舊糖醋骨，非常精緻！差D唔夠分，嘻！
陣陣鎮江醋的香，還帶著丁點的甜，D排骨好嫩，原來呢個先至係必選！
四川擔擔麵 $23
麵質頗彈牙，料亦頗多，OK！
東坡肉麻辣牛肉麵 $28
東坡肉鋪滿碗面，極入味、肥瘦層次分明、入口即溶化，正！
麻辣牛肉係用碟分開上嘅，也是整碟滿的，麻辣味好香，牛展食落真係有少少麻，但一D都唔油，呢D咪有麻辣嘅感覺又唔油膩囉！正正正！！！
上海粗炒拉麵 $30
好普通，麵唔夠粗！
麵食 +$4 可配凍餐飲，所以加咗3杯凍檸茶解解渴！
叫咗咁多嘢都係 $244 ，每人都唔駛 $50，好抵食！
張貼